Үйлчилгээний нөхцөл
- Benefits.mcs.mn нь М-Си-Эс Групп (цаашид “Групп” гэх)-ийн худалдааны болон мэдээллийн цахим орон зайг бий болгож, Группийн ажилтанд худалдаа, үйлчилгээг цахимаар авах, мэдээлэл солилцох боломжийг бий болгоно.
- Үйлчилгээний нөхцөл нь цахим худалдааны системд Группийн болон бусад албан ёсны гэрээт борлуулагчаас бараа бүтээгдэхүүн, үйлчилгээг худалдах, ажилтан худалдан авах, Группийн дотоод журмын дагуу ажилтанд олгож буй зарим хөнгөлөлт, хангамжийг олгохтой холбоотой үүсэж буй харилцааг зохицуулна.
- Үйлчилгээний нөхцөлд хэрэглэсэн дараах нэр томьёог дор дурдсан утгаар ойлгоно. Үүнд:
- “Цахим худалдааны систем” гэж Албан ёсны гэрээт борлуулагчийн бараа бүтээгдэхүүн, үйлчилгээг Хэрэглэгчдэд санал болгох, худалдан авалтыг цахимаар хийх үйлчилгээг бүрдүүлсэн цахим вэб хуудас https://Benefits.mcs.mn/ болон ухаалаг утсанд зориулсан Benefits аппликейшнийг (цаашид “Benefits” гэх);
- “Хэрэглэгч” гэж Үйлчилгээний нөхцөлийг хүлээн зөвшөөрч, “Benefits”-г хэрэглэж буй M-Си-Эс группын ажилтан, эрх зүйн бүрэн чадамжтай иргэн, хуулийн этгээдийг;
- “Албан ёсны гэрээт борлуулагч” гэж Бараа бүтээгдэхүүн борлуулах болон үйлчилгээ үзүүлэх албан ёсны эрхтэй хуулийн этгээд, хувь хүнийг;
- “Цахим гарын үсэг” гэж Хэрэглэгчийг танин баталгаажуулах үйл ажиллагаанд хэрэглэж буй нэвтрэх нууц үг, баталгаажилтын нэг удаагийн нууц үг, бусад цахим өгөгдлийг тус тус ойлгоно.
- Хэрэглэгч нь Benefits.mcs.mn-д нэвтэрч, бүртгүүлэхээс өмнө Үйлчилгээний нөхцөл, Нууцлалын бодлоготой бүрэн танилцах үүрэгтэй. Үйлчилгээний нөхцөл, Нууцлалын бодлоготой бүрэн танилцаж, эдгээрт заасан нөхцөлүүдийг хүлээн зөвшөөрсөн тохиолдолд “Би хүлээн зөвшөөрч байна.” гэсэн товчийг идэвхжүүлснээр Хэрэглэгчийг зөвшөөрсөнд тооцно.
- Хэрэв Хэрэглэгч Үйлчилгээний нөхцөл, Нууцлалын бодлогыг хүлээн зөвшөөрөхгүй тохиолдолд хүлээн зөвшөөрөхөөс татгалзах эрхтэй. Татгалзсан тохиолдолд Benefits.mcs.mn-г зориулалтын дагуу бүрэн ашиглах боломжгүй болохыг анхаарна уу.
- Benefits.mcs.mn-д байршуулсан бараа бүтээгдэхүүнийг шууд нийлүүлэх (бэлэн бараа), үйлдвэрээс нийлүүлэх гэж ангилна.
- Үйлдвэрээс нийлүүлэх бараа бүтээгдэхүүний хувьд тээвэрлэлт болон хил, гаалийн үйл ажиллагааны улмаас барааг хэрэглэгчид хүргэх хоног тодорхой хугацаагаар саатаж болзошгүй тухай Албан ёсны гэрээт борлуулагчийн мэдээллийг үндэслэн тухай бүр Benefits.mcs.mn-с Хэрэглэгчид мэдэгдэнэ.
- Үйлчилгээний нөхцөлийн хэрэгжилтэд Benefits.mcs.mn болон Хэрэглэгчид хамтран хяналт тавина.
- Хэрэглэгчээр бүртгүүлэхдээ Benefits.mcs.mn-ийн Нэвтрэх хэсгийг сонгон “Нэвтрэх” болон “Бүртгүүлэх” гэсэн сонголтын аль нэгийг сонгож өөрийн регистрийн дугаар болон гар утасны дугаарыг илгээнэ. Benefits.mcs.mn-ээс Хэрэглэгчийн албан ёсны гар утасны дугаар руу нэг удаагийн нэвтрэх нууц үг бүхий цахим гарын үсгийг илгээнэ. Хэрэглэгч нь тухайн цахим гарын үсгээр нэвтэрсний дараа нэвтрэх шинэ нууц үг болох өөрийгөө тодорхойлох цахим гарын үсэг зохиож, өөрийн хувийн мэдээллийн аюулгүй байдлыг хангах үүрэгтэй.
- Benefits.mcs.mn-д Хэрэглэгчээр бүртгүүлснээр бараа бүтээгдэхүүн, үйлчилгээ захиалах, мэдээлэл авах, хүслийн жагсаалт үүсгэх, өөрийн захиалгыг хянах эрх үүснэ.
- Хэрэглэгч нь Benefits.mcs.mn-д нэвтрэх өөрийн регистрийн дугаар болон цахим гарын үсгийг бусдад дамжуулахгүй байх, үүнтэй холбоотой учирч болох аливаа эрсдэлээс сэргийлэх үүрэгтэй. Энэхүү үүргээ биелүүлээгүй буюу хангалтгүй биелүүлсний улмаас өөрт болон бусдад учирсан аливаа хохирлыг Хэрэглэгч өөрөө бүрэн хариуцна.
- Хэрэглэгч Benefits.mcs.mn-н талаар санал гомдол, шинэ санаа, шинэ бараа борлуулах хүсэлт, шүүмж зэргийг чөлөөтэй илэрхийлэх, илгээх эрхтэй бөгөөд Benefits.mcs.mn дээрх онлайн туслахад хандан мессэж илгээх, Benefits@mcs.mn цахим хаяг, эсвэл хэрэглэгчийн тусламж хэсгээс “Санал хүсэлт илгээх” формыг бөглөн илгээх боломжтой.
- Хэрэглэгч нь өөрийн мэдээллийн үнэн зөв, бодит байдалд бүрэн хариуцлага хүлээнэ.
- Benefits.mcs.mn-н хэвийн ажиллагаа, түүний мэдээллийн аюулгүй байдал, мэдээллийн нууцлалыг “Анунгоо” ХХК хариуцна.
- Захиалга хийх хугацаа:
Хэрэглэгч Benefits.mcs.mn платформыг ашиглан 24 цагийн аль ч цагт захиалга хийж болно.
- Захиалга баталгаажих, цуцлагдах хугацаа:
- Хэрэглэгч нь захиалга хийснээс хойш 1 цагийн дотор зааврын дагуу төлбөрийг 100% бүрэн шилжүүлснээр захиалга баталгаажна. Benefits.mcs.mn-д захиалга баталгаажсанаар Хэрэглэгч болон Албан ёсны борлуулагч нарын хооронд гэрээ байгуулагдсан гэж үзнэ.
- Захиалгын төлбөр 1 цагийн дотор холбогдох дансанд орж ирээгүй тохиолдолд захиалга автоматаар цуцлагдана. Нэгэнт цуцлагдсан захиалгыг дахин сэргээх боломжгүй бөгөөд Хэрэглэгч хүсвэл захиалгыг дахин шинээр үүсгэх боломжтой.
- Хэрэглэгч 1 цагийн дотор төлбөрийг шилжүүлж чадаагүйн улмаас захиалга цуцлагдсан тохиолдолд Benefits.mcs.mn ямар нэгэн хариуцлага хүлээхгүй.
- Хэрэглэгч нь ажлын өдрүүдэд 09:00-17:00 цагийн хооронд (цайны цаг 12:00-13:00) 7777-3233 дугаараар холбогдож мэдээлэл авах, тодруулах бүрэн боломжтой.
- Захиалгын бараа хүргэгдэх хугацаа:
- Benefits.mcs.mn нь Хэрэглэгчийн хийсэн захиалгын төлбөр албан ёсны дансанд тодорхой заавар, хэлбэрийн дагуу хийгдсэн үеэс эхлэн захиалга баталгаажсан гэж үзнэ.
- Захиалга хийх, төлбөрийг шилжүүлэх, бараа, бүтээгдэхүүн хүлээж авах бүрд Хэрэглэгчийн бүртгүүлсэн гар утсанд Benefits.mcs.mn-c мэдэгдэл илгээнэ.
- Захиалгыг баталгаажуулсан хугацаа, тээвэрлэлт, аюулгүй байдал зэргээс хамаарч захиалгын төлбөрийг бүрэн төлсөн өдрөөс хойш бэлэн барааг Улаанбаатар хотод 48-72 цагт хүргэнэ.
- Хэрэглэгч бараа бүтээгдэхүүний захиалгын төлбөрийг цахим зээлийн үйлчилгээгээр төлөх нөхцөлд банк таны зээлийн хүсэлтийг баталсан цагаас хойш 48-72 цагийн дотор захиалсан бараа бүтээгдэхүүнийг хүргэнэ.
- Үйлдвэрээс нийлүүлэх барааг Улаанбаатар хотод 7-14 хоногт захиалгад заасан хаягт хүргэнэ.
- Гэнэтийн болон давагдашгүй хүчин зүйл, бүх нийтийн амралтын өдрүүд, эрх бүхий байгууллага, албан тушаалтны шийдвэрээр хил, гаалийн үйл ажиллагаа саатах, цаг агаарын байдал, хорио цээрийн дэглэм тогтоосон, гамшгийн нөхцөл байдал үүссэн болон бусад хүчин зүйлийн улмаас тээвэрлэлт саатах зэрэг шалтгаанаар тодорхой хугацаагаар захиалгын хүргэлт саатах бүрд хэрэглэгчид нэн даруй мэдэгдэнэ. Эдгээр нөхцөл байдлууд арилж, захиалгыг хүргэх боломж бүрдэх хүртэл хүргэлтийн хугацаа хойшлогдоно.
Онцгой бараа:
- Барааны төрөл, хэлбэр, жин, овор хэмжээнээс хамааран захиалга болон хүргэлт хийх хугацаа өөр байх боломжтой. Хэрэв Хэрэглэгчийн хийсэн захиалгын бараа онцгой шинж чанартай байх тохиолдолд тухайн үед нь Хэрэглэгчид мэдэгдэх, тодруулах, захиалгыг дахин баталгаажуулж хүргэлтийн нөхцөлийг тодорхойлох болно.
- НӨАТ-ын цахим баримт илгээх:
- Захиалгын и-баримт нь захиалга хүргэгдсэний дараа Хэрэглэгчийн бүртгэлтэй гар утас болон Хэрэглэгчийн профайл хэсэгт илгээгдэнэ.
- НӨАТ төлөгч биш байгууллагын бараа бүтээгдэхүүний захиалгын и-баримт нь зөвхөн сугалааны эрхтэй илгээгдэнэ.
- Дээрх нөхцөлүүд нь хувь хүн болон байгууллагын НӨАТ-ын цахим баримтад хамааралтай болно.
- Хэрэглэгч захиалга хийж баталгаажуулсны дараа цахим хэлбэрээр захиалгын хуудасны мэдээлэл авна. Мөн Benefits.mcs.mn нь захиалгыг баталгаажуулж байх хугацаанд захиалгын нийт дүн, төлбөр гүйцэтгэх хэлбэр, төлбөр хүлээн авагч Байгууллагын нэр, дансны дугаар зэргийг Хэрэглэгчдэд ойлгомжтой хэлбэрээр хүргэнэ.
- Хэрэглэгчийн хийсэн захиалга бүр дахин давтагдашгүй захиалгын дугаартай байх бөгөөд “Миний Бүртгэл” хэсгээс захиалгын тухай дэлгэрэнгүй мэдээллийг харах боломжтой.
- Захиалга хийгдсэнээс хойш 1 цагийн дотор Хэрэглэгч нь төлбөрийг хүлээн авагчийн дансанд шилжүүлэх, байршуулах шаардлагатай. Төлбөрийг шилжүүлэх, байршуулахад системд заагдсан зааврыг зайлшгүй дагаж мөрдөнө.
- Benefits.mcs.mn нь захиалгын нийт үнийн дүнг 100 хувь урьдчилан хүлээн авснаар захиалга автоматаар баталгаажна.
- Benefits.mcs.mn нь Хэрэглэгчид захиалга хийгдсэнээс хойш 1 цагийн хугацаанд төлбөр гүйцэтгэх боломжийг олгож байгаа бөгөөд тус хугацаанд захиалгыг цуцлах, өөрчлөх боломжтой.
- Хэрэглэгч бараа бүтээгдэхүүн, үйлчилгээний мэдээлэлтэй сайтар танилцаж, захиалгаа давхар нягтлах үүрэгтэй бөгөөд захиалгын төлбөрийг төлсөн бол тус захиалгыг дараах нөхцөлөөс бусад тохиолдолд буцаах, цуцлах боломжгүй. Үүнд:
- Хэрэглэгч купон худалдан авсан тохиолдолд буцаах боломжгүй.
- Хэрэглэгчийн захиалсан барааны загвар зөрсөн, гэмтэлтэй байсан тохиолдолд Benefits.mcs.mn нь тус барааг солиулах эсвэл төлбөрийг буцаан олгох сонголтыг олгоно.
- Benefits.mcs.mn-н бараа захиалгын тээвэрлэлтийг мэргэжлийн байгууллага хариуцаж гүйцэтгэх тул захиалсан бараа гэмтэлтэй ирсэн тохиолдолд дээрх нөхцөлийн дагуу арга хэмжээ авна.
- Хэрэглэгч захиалга хийхдээ тус системд байгаа барааны дэлгэрэнгүй танилцуулга, мэдээллийг сайтар судлах зайлшгүй шаардлагатай. Хэрэглэгч тус барааны талаар сайтар мэдээлэл аваагүйгээс болж захиалга хүргэгдэн ирсний дараа захиалгыг буцаах хүсэлтийг Benefits.mcs.mn хүлээн авах, барааг буцаах боломжгүй.
- Benefits.mcs.mn-д барааны албан ёсны бренд, бүтээгдэхүүний нэр, код зэрэг мэдээлэл байгаа тул бусад мэдээллийн сувгийг ашиглан тус барааны талаар мэдээлэл, бусад орны хэрэглэгчдийн санал гомдлыг судлах боломжтой.
- Benefits.mcs.mn нь Хэрэглэгчид захиалгаа баталгаажуулах 1 цагийн хугацааг олгож байгаа бөгөөд захиалгын төлбөр хийгдэж, захиалгаа баталгаажуулсны дараа Хэрэглэгчийн захиалсан барааны загвар зөрсөн, гэмтэлтэй тохиолдолдлоос бусад тохиолдолд захиалгыг цуцлах боломжгүй.
- Хэрэглэгч өөрийн үндсэн данснаас андуурч захиалгын төлбөрийг төлсөн бол өөр дансны гүйлгээгээр солих, буцаалт хийх боломжгүй.
- Хэрэглэгч бараа бүтээгдэхүүнийг андуурч захиалсан бол тухайн барааг солих, буцаалт хийхгүй ба захиалга үүсгэхдээ захиалга доторх барааг няглан үзэх шаардлагатай.
- Цахим зээлээр худалдан авалт хийсэн хэрэглэгч захиалгаа өөрийн хүсэлтээр цуцлах нөхцөлд зээлийг судалсан үйл ажиллагаанд зарцуулагдсан зээлийн үйлчилгээний шимтгэлийг буцаан шилжүүлэх боломжгүй.
-
- Хэрэглэгчийн хүлээн авах захиалгын бараа нь дараах төрөлд ангилагдана. Үүнд:
1.1 Акт үйлдэх шаардлагатай буюу цахилгаан бараа болон лацтай бараа бүтээгдэхүүн;
1.2 Бусад буюу энэ зүйлийн 1 дэх хэсэгт зааснаас бусад бараа бүтээгдэхүүний сав баглаа боодол, захиалсан өнгө, хэмжээ зөв эсэх, доголдол бий эсэхийг шалгаж хүргэлтийн ажилтны аппликэйшнд гарын үсэг зурж хүлээн авна.
- Хэрэглэгч захиалсан бараа бүтээгдэхүүнийг зохих ёсоор хүлээж авснаа хүлээн зөвшөөрч аппликэйшнд гарын үсэг зурсан тохиолдолд дараах тохиолдлуудаас бусад шалтгаанаар буцаах, солиулах боломжгүй.
- Дараах тохиолдолд бараа бүтээгдэхүүнийг буцаах боломжтой. Үүнд:
- Захиалсан бараа хүлээн авах үед гэмтэлтэй байсан.
- Дараах тохиолдолд бараа бүтээгдэхүүнийг солих боломжтой. Үүнд:
- Захиалсан барааг хүлээн авах үед төрөл, хэмжээ зөрсөн; /Төрөл, хэмжээ, зэргийг солиулах боломжгүй нөхцөлд өөр төрлийн бараа, бүтээгдэхүүнээс сонгож зөрүүг нэмж төлөх, эсхүл буцаах эрхтэй/
- Захиалсан бараа гэмтэлтэй, зохих ёсоор бүрэн ажиллахгүй байсан
- Нийлүүлэгч байгууллагын бараа бүтээгдэхүүний онцлог, хүргэлтийн нөхцөлөөс шалтгаалан гэмтэл, доголтойгоос бусад тохиолдол буцаах, солих дээрх журам үйлчлэхгүй. Иймд та бараа бүтээгдэхүүнээ захиалахдаа өөрийн хэрэгцээ шаардлагад нийцүүлэн загвар, хэмжээ төрөлөө сайтар тооцож тухайн бараа бүтээгдэхүүний талаарх мэдээллийг бүрэн шалгасны үндсэн дээр захиалгаа хийх шаардлагатайг анхаарна уу.
- Хэрэглэгч худалдан авсан барааг буцаах тохиолдолд барааг хүлээн авсан цагаас хойш 24 цагийн дотор 77773233 утсаар эсвэл Benefits@mcs.mn цахим хаягаар холбогдон буцаах хүсэлтээ илгээх боломжтой. Буцаах барааг өөрийн биеэр буцаах эсвэл өөрийн байгаа газраас авхуулж болно.
- Бараа бүтээгдэхүүнийг буцаах/солиулахад тухайн худалдан авсан бараа бүтээгдэхүүний тооцооны хуудсыг үндэслэх ба бараа бүтээгдэхүүн нь дахин худалдаалах боломжтой байна.
- Сав баглаа боодлыг онгойлгосон болон эвдэрч гэмтсэн, бохирдсон тохиолдолд солих болон буцаах боломжгүй.
- Тасалбар болон гоо сайхны бүтээгдэхүүн, г.м бараанд солих/буцаах нөхцөл үйлчлэхгүй.
- Гэнэтийн давагдашгүй хүчин зүйлсийн улмаас талуудын энэхүү үйлчилгээний нөхцөлд заасан үүргээ биелүүлээгүй буюу зохих ёсоор биелүүлээгүй бол нөгөө талдаа ажлын гурав хоногийн дотор цахим шуудангаар дамжуулан мэдэгдэх ба энэ тохиолдолд үүрэг гүйцэтгэх хугацаа нь энэхүү нөхцөл байдал үргэлжлэх хугацаагаар хойшлогдоно.
- Гэнэтийн давагдашгүй хүчин зүйлс бий болсон нь нэг сараас дээш хугацаагаар үргэлжилсэн тохиолдолд талууд асуудлыг харилцан зөвшилцөх замаар шийдвэрлэнэ.
- Гэнэтийн давагдашгүй хүчин зүйлс гэдэгт талуудын хараа хяналтаас гадуур болсон, урьдчилан таамаглах боломжгүй, урьдчилан сэргийлж, шинжлэх ухаан, техникийн ололтыг ашиглан даван гарах боломжгүй дараах саад тотгор тохиолдсоны улмаас талууд энэхүү Үйлчилгээний нөхцөлд заасан үүргээ биелүүлж чадахгүйд хүрэхийг ойлгоно. Үүнд:
- Зарласан болон зарлаагүй дайн, зэвсэгт мөргөлдөөн, бослого, гадаадын түрэмгийлэл, хорлон сүйтгэх ажиллагаа, хувьсгал;
- Байгалийн бүх төрлийн гамшиг /гал түймэр, газар хөдлөлт, хүчтэй хар салхи, шуурга, аянга цахилгаан, үер усны гамшиг зэрэг/
- Төрийн албан тушаалтны хуулийн дагуух болон хууль бус үйлдэл, эс үйлдэл, эрх зүйн акт, тушаал, захирамж;
- Тэсрэлт, дэлбэрэлт, машин үйлдвэрлэлийн тоног төхөөрөмжийн эвдрэл, цахилгааны ноцтой гэмтэл; бүх төрлийн хязгаар хориг, өвчин тахал, хорио цээр, хариуцлагаас чөлөөлөгдөх хүсэлтэй талын аж ахуй нэгжид тохиолдсон ажил зогсолт, ажил хаялт;
- Программ хангамж, техник тоног төхөөрөмжийн эвдрэл гэмтэл, хакер халдлага зэрэг, үүнээс бусад талуудын хүсэл зоригоос үл хамаарах шалтгаануудыг ойлгоно.
- Давагдашгүй хүчин зүйлсийн улмаас талууд хууль болон энэхүү Үйлчилгээний нөхцөлд заасан үүргээ биелүүлээгүй эсвэл зохих ёсоор биелүүлээгүй талууд үүнийг нотолсны дүнд харилцан бие биений өмнө болон гуравдагч этгээдийн өмнө хариуцлага хүлээхгүй.
-
